blog hodnik

Издвоивме три најважни карактеристики, како и предлог производи кои со сигурност ќе ви помогнат на наједноставен начин да го направите Вашиот ходник привлечен.

• ДЕКОРАЦИЈА

Најдобар начин за декорација во влезниот хол е поставување на отворена комода за ходник со минимални димензии, која ќе ви послужи како полица за клучеви и останати ситни работи, цвеќе, украси, столна ламба и сл. Но, во најчест број случаи ходниците се особено тесни. Решението во тој случај е ѕидовите да  ја превземат главната улога, така што можете да се одлучите за едноставна закачалка со куки, огледало закачено на ѕид кои визуелно ќе го зголемат просторот, или двете работи споени во едно. Како декорација на ѕидот може да се појават и интересни рамки за слики со колекција од фотографии.

• МЕБЕЛ

Доколку имате доволно простор, секако ви препорачуваме комода за ходник или чевларник чија горна површина истовремено ќе послужи и како полица за украсни предмети. Клупата, исто така, може да бидат одличен избор, овозможувајќи им на луѓето да се сместат и да ги соблечат чевлите или да обезбедат место за чекање додека се подготвувате да ја напуштите куќата.

• СКЛАДИРАЊЕ

Конечно, складирањето во ходникот е апсолутно клучно ако сакате да ја одржувате уредноста. Ходниците се секогаш склони да се натрупаат со чевли, чанти, чадори, палта и други реквизити. Клупата со вграден простор за складирање одоздола може да биде одлична опција. Во просторот под клупата можете да поставите украсна корпа за складирање, додека на ѕидот над неа секогаш добар избор е декоративна закачалка. Ако имате малку повеќе простор, вграден плакар би бил одлично решение.